गजल
ज्यापु जुजु
१
स्वां मखु जि, गंगु हः जक खः
सुं हे बाय् मच्वंगु फः जक खः
सुयागुं प्याःचाः लंकेमफु जिं
बस् फिसलय् वाःगु लः जक खः
सकलें घच्चाइ जितः खन कि
नीलः मखु जि ला धः जक खः
तःकः हे बःति ज्वीधुंकल जि
ति पिहाँ मवःगु कः जक खः
जि दुसां मदुसां छुं हे मपाः
लुमु मजूगु जि जः जक खः
नां व गां छुं नं जि थःगु मखु
जिगु म्हसिका जि थः जक खः
जि थें घाः लाःपिं यक्व दु थन
वो स्याःनुगःतय् जि सः जक खः
२
स्वां मखु जि, गंगु हः जक खः
सुं हे बाय् मच्वंगु फः जक खः
सुयागुं प्याःचाः लंकेमफु जिं
बस् फिसलय् वाःगु लः जक खः
सकलें घच्चाइ जितः खन कि
नीलः मखु जि ला धः जक खः
तःकः हे बःति ज्वीधुंकल जि
ति पिहाँ मवःगु कः जक खः
जि दुसां मदुसां छुं हे मपाः
लुमु मजूगु जि जः जक खः
नां व गां छुं नं जि थःगु मखु
जिगु म्हसिका जि थः जक खः
जि थें घाः लाःपिं यक्व दु थन
वो स्याःनुगःतय् जि सः जक खः
२
छंगु मतिनाय् जि वँय् जूगु छं नं स्वःवा
म्वाःम्वाकं थौं सिँपँय् ग्वतूगु छं नं स्वःवा
कर्पिनि दथ्वी याकःचा त्वःतावन छं
हुलय् जितः सकस्यां न्हूगु छं नं स्वःवा
छ ल्यूल्यू वयेगु शक्ति तकं मन्त जिके
पलाःपतिं दः कथं सूगु छं नं स्वःवा
जीवनय् छुं यायेगु इच्छा नं सित जिगु
बैंश मखंक जीवन फूगु छं नं स्वःवा
मतिनाय् न्ह्याग्गुं ज्वी धाःगु न्यनागु ला खः
थौं ‘जुजु’या हे छ्यं क्वछूगु छं नं स्वःवा
३
वां दाःसां मप्याः जि, मिं नःसां मच्याः छंगु मतिनाय्
म्वायेगु ला खः हे खः, सीमाःसां मग्याः छंगु मतिनाय्
झुमिं यं थें, थः हे तं थें, ल्वय् फुक्क लं थें न्ह्यैपु दः
दुःख व्यथाया किचः तकं मथ्याः छंगु मतिनाय्
पंगः दक्वं चिलावन, ख्युंगु इ नं हिलावन
झ्वयप्यूगु छु खँ, चुपिं सूसां मस्याः छंगु मतिनाय्
छं हःपाः बिल, जिं साला, झीगु जीवनया रथ
न्ह्यायेवं थ्व रथ मद्यू, गनं मन्याः छंगु मतिनाय्
पलख छनापं च्वनाः जिं संसार त्याकेधुन
आः थ्व जीवन सितिं ब्यूसां मद्याः छंगु मतिनाय्
४
वंथाय् तक लुफिं हाकाः न्ह्यायेगुसिबें दीगु हे ज्यू
थःत थःहे पंगः ज्वीकाः म्वायेगुसिबें सीगु हे ज्यू
ल्वहंया मूर्ति खः जि ला, घाः जूगु दःसां ख्वय्मसः
ल्वहँतय् पिनाः मसःसा ज्यायेगुसिबें लीगु हे ज्यू
जीवन छु खः मस्यू, अय्नं सवाः कया हे च्वना
न्ह्याक्वः काःसां मदुसा कायेगुसिबें बीगु हे ज्यू
जीवन बह्रः तयेमाल, मतिनाया मू पुलेत
थुलि थिकेसा मतिना, न्यायेगुसिबें मीगु हे ज्यू
बर्षाबलय् वा वय्मफु, वसन्तय् नं स्वां ह्वय्मफु
वःम्ह ल्यां वंगुलिं दुःख तायेगुसिबें पीगु हे ज्यू
न्ह्याथाय् वंसां ख्युंसे जितः, खुसि नं आः जुल फिसः
शून्यगु थ्व म्हुतु नं वां खायेगुसिबें तीगु हे ज्यू
मन्त जिके आः छुं आशा, न त जितः दु सुं पासा
थथे याकः जुयाः सासः ल्हायेगुसिबें फीगु हे ज्यू
४
वंथाय् तक लुफिं हाकाः न्ह्यायेगुसिबें दीगु हे ज्यू
थःत थःहे पंगः ज्वीकाः म्वायेगुसिबें सीगु हे ज्यू
ल्वहंया मूर्ति खः जि ला, घाः जूगु दःसां ख्वय्मसः
ल्वहँतय् पिनाः मसःसा ज्यायेगुसिबें लीगु हे ज्यू
जीवन छु खः मस्यू, अय्नं सवाः कया हे च्वना
न्ह्याक्वः काःसां मदुसा कायेगुसिबें बीगु हे ज्यू
जीवन बह्रः तयेमाल, मतिनाया मू पुलेत
थुलि थिकेसा मतिना, न्यायेगुसिबें मीगु हे ज्यू
बर्षाबलय् वा वय्मफु, वसन्तय् नं स्वां ह्वय्मफु
वःम्ह ल्यां वंगुलिं दुःख तायेगुसिबें पीगु हे ज्यू
न्ह्याथाय् वंसां ख्युंसे जितः, खुसि नं आः जुल फिसः
शून्यगु थ्व म्हुतु नं वां खायेगुसिबें तीगु हे ज्यू
मन्त जिके आः छुं आशा, न त जितः दु सुं पासा
थथे याकः जुयाः सासः ल्हायेगुसिबें फीगु हे ज्यू
